kya kaha phir to kaho dil ki KHabar kuchh bhi nahin
kya kaha phir to kaho dil ki KHabar kuchh bhi nahin
Mohammad Ali Tishna
MORE BYMohammad Ali Tishna
kyā kahā phir to kaho dil kī ḳhabar kuchh bhī nahīñ
phir ye kyā hai ḳham-e-gesū meñ agar kuchh bhī nahīñ
aañkh paḌtī hai kahīñ paañv kahīñ paḌtā hai
sab kī hai tum ko ḳhabar apnī ḳhabar kuchh bhī nahīñ
sham.a hai gul bhī hai bulbul bhī hai parvāna bhī
raat kī raat ye sab kuchh hai sahar kuchh bhī nahīñ
hashr kī dhuum hai sab kahte haiñ yuuñ hai yuuñ hai
fitna hai ik tirī Thokar kā magar kuchh bhī nahīñ
nīstī kī hai mujhe kūcha-e-hastī meñ talāsh
sair kartā huuñ udhar kī ki jidhar kuchh bhī nahīñ
sham.a maġhrūr na ho bazm-farozī pe bahut
rāt-bhar kī ye tajallī hai sahar kuchh bhī nahīñ
ek aañsū bhī asar jab na kare ai 'tishna'
fā.eda rone se ai dīda-e-tar kuchh bhī nahīñ
kya kaha phir to kaho dil ki KHabar kuchh bhi nahin
phir ye kya hai KHam-e-gesu mein agar kuchh bhi nahin
aankh paDti hai kahin panw kahin paDta hai
sab ki hai tum ko KHabar apni KHabar kuchh bhi nahin
shama hai gul bhi hai bulbul bhi hai parwana bhi
raat ki raat ye sab kuchh hai sahar kuchh bhi nahin
hashr ki dhum hai sab kahte hain yun hai yun hai
fitna hai ek teri Thokar ka magar kuchh bhi nahin
nisti ki hai mujhe kucha-e-hasti mein talash
sair karta hun udhar ki ki jidhar kuchh bhi nahin
shama maghrur na ho bazm-farozi pe bahut
raat-bhar ki ye tajalli hai sahar kuchh bhi nahin
ek aansu bhi asar jab na kare ai 'tishna'
faeda rone se ai dida-e-tar kuchh bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
