kya kahen puchh mat kahin hain hum

kyā kaheñ pūchh mat kahīñ haiñ ham

tū jahāñ hai ġharaz vahīñ haiñ ham

kyā kaheñ apnā ham nasheb-o-farāz

āsmāñ gaah gah zamīñ haiñ ham

vahm meñ apne the bahut kuchh lek

ḳhuub dekhā to kuchh nahīñ haiñ ham

ham ko nākāra jaan mat le le

tere hī naam ke nagīñ haiñ ham

maiñ jo pūchhā kahāñ ho tum to kahā

tujh ko kyā kaam hai kahīñ haiñ ham

apne uqde kisī tarah na khule

kis dil-āzār kī jabīñ haiñ ham

ham na tīr-e-shahāb haiñ na sumūm

nāla-o-āh-e-ātishīñ haiñ ham

būd-o-nābūd meñ ġharaz apne

jis tarah se ki ham-nashīñ haiñ ham

kyā kaheñ pūchh mat ba-qaul 'ziyā'

ek dam haiñ so vāpsīñ haiñ ham

kya kahen puchh mat kahin hain hum

tu jahan hai gharaz wahin hain hum

kya kahen apna hum nasheb-o-faraaz

aasman gah gah zamin hain hum

wahm mein apne the bahut kuchh lek

KHub dekha to kuchh nahin hain hum

hum ko nakara jaan mat le le

tere hi nam ke nagin hain hum

main jo puchha kahan ho tum to kaha

tujh ko kya kaam hai kahin hain hum

apne uqde kisi tarah na khule

kis dil-azar ki jabin hain hum

hum na tir-e-shahab hain na sumum

nala-o-ah-e-atishin hain hum

bud-o-nabud mein gharaz apne

jis tarah se ki ham-nashin hain hum

kya kahen puchh mat ba-qaul 'ziya'

ek dam hain so wapsin hain hum