kya kahun ishq mein kya kya na hua kya hoga
kya kahun ishq mein kya kya na hua kya hoga
Mohammad Lutfuddin Khan Lutf
MORE BYMohammad Lutfuddin Khan Lutf
kyā kahūñ ishq meñ kyā kyā na huā kyā hogā
aaj zinda huuñ to kyā kal mujhe marnā hogā
mujh ko aadat ke liye chāhiye duniyā meñ jahīm
ātishīñ-ruḳh ke muqābil mujhe rahnā hogā
ḳhvāhish-e-mahfil-e-jānāñ dil-e-nādāñ hai abas
ki yaqīñ hai ki vahāñ majma-e-ādā hogā
rāz-e-ulfat na chhupā.egā ye chhupnā terā
parda-dar ḳhud yahī ik din tirā pardā hogā
bevafā 'lutf' sahī ġhair vafādār bajā
is se inkār kise hai bahut achchhā hogā
kya kahun ishq mein kya kya na hua kya hoga
aaj zinda hun to kya kal mujhe marna hoga
mujh ko aadat ke liye chahiye duniya mein jahim
aatishin-ruKH ke muqabil mujhe rahna hoga
KHwahish-e-mahfil-e-jaanan dil-e-nadan hai abas
ki yaqin hai ki wahan majma-e-ada hoga
raaz-e-ulfat na chhupaega ye chhupna tera
parda-dar KHud yahi ek din tera parda hoga
bewafa 'lutf' sahi ghair wafadar baja
is se inkar kise hai bahut achchha hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
