kya kahun ki kya hun main

kyā kahūñ ki kyā huuñ maiñ

sañg-e-be-sadā huuñ maiñ

dard-e-lā-davā huuñ maiñ

āh-e-nā-rasā huuñ maiñ

dard kī davā huuñ meñ

pyaar kī sadā huuñ meñ

jis kī ibtidā ho tum

us kī intihā huuñ meñ

ḳhud hī rāh-rau bhī huuñ

ḳhud hī rahnumā huuñ maiñ

sochnā fuzūl hai

phir bhī sochtā huuñ maiñ

in pe hai nazar merī

ḳhud ko dekhtā huuñ maiñ

jaane kyā huā mujhe

ḳhud se bhī ḳhafā huuñ maiñ

aao ai 'valī' dekho

kaisā aa.ina huuñ maiñ

kya kahun ki kya hun main

sang-e-be-sada hun main

dard-e-la-dawa hun main

aah-e-na-rasa hun main

dard ki dawa hun mein

pyar ki sada hun mein

jis ki ibtida ho tum

us ki intiha hun mein

KHud hi rah-rau bhi hun

KHud hi rahnuma hun main

sochna fuzul hai

phir bhi sochta hun main

in pe hai nazar meri

KHud ko dekhta hun main

jaane kya hua mujhe

KHud se bhi KHafa hun main

aao ai 'wali' dekho

kaisa aaina hun main