kya kahun kitni aziyyat se nikali gai shab

kyā kahūñ kitnī aziyyat se nikālī ga.ī shab

haañ yahī shab ye mirī hijr banā lī ga.ī shab

pahle zulmat kā parastār banāyā gayā maiñ

aur phir merī nigāhoñ se uThā lī ga.ī shab

raat bhar fat.h vo kartī rahī ujiyāroñ ko

sub.h-dam apne añdheroñ se bhī ḳhālī ga.ī shab

tā sadā mujh meñ raheñ chāñd sitāre raushan

merī miTTī meñ tabī.at se milā lī ga.ī shab

ḳhatm hotā hī nahīñ silsila tanhā.ī kā

jaane kis darja masāfat meñ hai Dhālī ga.ī shab

fasl maqsūd thī 'sārim' hameñ sūraj kī jahāñ

haif hai un hī zamīnoñ pe ugā lī ga.ī shab

kya kahun kitni aziyyat se nikali gai shab

han yahi shab ye meri hijr bana li gai shab

pahle zulmat ka parastar banaya gaya main

aur phir meri nigahon se uTha li gai shab

raat bhar fath wo karti rahi ujiyaron ko

subh-dam apne andheron se bhi KHali gai shab

ta sada mujh mein rahen chand sitare raushan

meri miTTi mein tabiat se mila li gai shab

KHatm hota hi nahin silsila tanhai ka

jaane kis darja masafat mein hai Dhaali gai shab

fasl maqsud thi 'sarim' hamein suraj ki jahan

haif hai un hi zaminon pe uga li gai shab