کیا کہوں میں کہ یوں ہوا نہ ہوا

کیا کہوں میں کہ یوں ہوا نہ ہوا

کیا سے کیا ہو گیا ہے کیا نہ ہوا

کھویا جاتا تھا فائدہ نہ ہوا

ہم نشیں بھی غم آشنا نہ ہوا

نقش پائے خیال شوق بدست

منزل رنگ کو روانہ ہوا

دل ہوا خوں وہ آئیں بات نہیں

آج ہی گھر میں بوریا نہ ہوا

کچھ چلی ہے طلوع صبح کی رات

گردش دم کا ماجرا نہ ہوا

ان پہاڑوں کو چیرتی ہے نگاہ

کوئی اس تک ہی راستہ نہ ہوا

داغ چہرے پہ دل کے آیا ہے

کون کہتا ہے آئنہ نہ ہوا

گھپ اندھیرے میں روشنی کیسی

سامنے ہیں وہ سامنا نہ ہوا

یہ شرر بار آسماں ناظرؔ

لوگ کہتے ہیں رہنما نہ ہوا