kya kahun main ki yun hua na hua

kyā kahūñ maiñ ki yuuñ huā na huā

kyā se kyā ho gayā hai kyā na huā

khoyā jaatā thā fā.eda na huā

ham-nashīñ bhī ġham-āshnā na huā

naqsh-pā-e-ḳhayāl-e-shauq ba-dast

manzil-e-rang ko ravāna huā

dil huā ḳhuuñ vo aa.eñ baat nahīñ

aaj hī ghar meñ boriyā na huā

kuchh chalī hai tulū-e-sub.h kī raat

gardish-e-dam kā mājrā na huā

in pahāḌoñ ko chīrtī hai nigāh

koī us tak hī rāsta na huā

daaġh chehre pe dil ke aaya hai

kaun kahtā hai aa.ina na huā

ghup añdhere meñ raushnī kaisī

sāmne haiñ vo sāmnā na huā

ye sharar-bār āsmāñ 'nāzir'

log kahte haiñ rahnumā na huā

kya kahun main ki yun hua na hua

kya se kya ho gaya hai kya na hua

khoya jata tha faeda na hua

ham-nashin bhi gham-ashna na hua

naqsh-pa-e-KHayal-e-shauq ba-dast

manzil-e-rang ko rawana hua

dil hua KHun wo aaen baat nahin

aaj hi ghar mein boriya na hua

kuchh chali hai tulu-e-subh ki raat

gardish-e-dam ka majra na hua

in pahaDon ko chirti hai nigah

koi us tak hi rasta na hua

dagh chehre pe dil ke aaya hai

kaun kahta hai aaina na hua

ghup andhere mein raushni kaisi

samne hain wo samna na hua

ye sharar-bar aasman 'nazir'

log kahte hain rahnuma na hua