kya kam hai ye bhi wada-e-farda kiya to hai

kyā kam hai ye bhī vā'da-e-fardā kiyā to hai

aa.e na aa.e us ne mirā dil rakhā to hai

dil ḳhuun ho gayā hai magar rā.egāñ nahīñ

raushan mire lahū se charāġh-e-vafā to hai

be-nāḳhudā bhī paar utartī haiñ kashtiyāñ

vo jin kā nāḳhudā nahīñ un kā ḳhudā to hai

vo us kā muskurā ke mirā haal pūchhnā

ik hādisa sahī sar-e-rāhe huā to hai

ai rahravān-e-rāh-e-mohabbat chale chalo

manzil kā kyā mile na mile rāsta to hai

hālāt sāzgār nahīñ haiñ to kyā huā

tūfān nā-guzīr sahī hausla to hai

har daur se hai 'bazm' 'ibārat mirī ġhazal

dekhā nahīñ jo daur vo āḳhir paḌhā to hai

kya kam hai ye bhi wa'da-e-farda kiya to hai

aae na aae us ne mera dil rakha to hai

dil KHun ho gaya hai magar raegan nahin

raushan mere lahu se charagh-e-wafa to hai

be-naKHuda bhi par utarti hain kashtiyan

wo jin ka naKHuda nahin un ka KHuda to hai

wo us ka muskura ke mera haal puchhna

ek hadisa sahi sar-e-rahe hua to hai

ai rahrawan-e-rah-e-mohabbat chale chalo

manzil ka kya mile na mile rasta to hai

haalat sazgar nahin hain to kya hua

tufan na-guzir sahi hausla to hai

har daur se hai 'bazm' 'ibarat meri ghazal

dekha nahin jo daur wo aaKHir paDha to hai