kya kare hal uqda-e-zat-o-sifat

kyā kare hal uqda-e-zāt-o-sifāt

hai kahāñ utnā dimāġh-e-kā.enāt

zarra zarra kar rahā hai terī baat

ai sarāpā hastī-e-rangīñ-sifāt

pī bhī le duniyā agar āb-e-hayāt

be-sabātī ko kahāñ hāsil sabāt

ḳhizr mil jaa.eñ to pūchhūñ ḳhvāhishāt

chāhiye zahrāb yā āb-e-hayāt

barq taḌpī abr bhī rone lagā

kyā havā kah guzrī mere vāqi.āt

nafs ke pyāle ko saiqal kar ke pī

zahr-ālūda na ho āb-e-hayāt

ḳhaar kyā karte sar-e-taslīm ḳham

phuul kyā kahte chaman kī vārdāt

kya kare hal uqda-e-zat-o-sifat

hai kahan utna dimagh-e-kaenat

zarra zarra kar raha hai teri baat

ai sarapa hasti-e-rangin-sifat

pi bhi le duniya agar aab-e-hayat

be-sabaati ko kahan hasil sabaat

KHizr mil jaen to puchhun KHwahishat

chahiye zahrab ya aab-e-hayat

barq taDpi abr bhi rone laga

kya hawa kah guzri mere waqiat

nafs ke pyale ko saiqal kar ke pi

zahr-aluda na ho aab-e-hayat

KHar kya karte sar-e-taslim KHam

phul kya kahte chaman ki wardat