kya karegi ye teri kakul-e-paiman mera

kyā karegī ye tirī kākul-e-paimāñ merā

haal kuchh is se bhī afzūñ hai pareshāñ merā

paas aane bhī na deve kabhū parvāne ko

dekh le haal agar sham-e-farozāñ merā

jī meñ hai dekhiye mar kar bhī ki kyā hotā hai

jīte-jī tak to na niklā koī armāñ merā

shukr sad-shukr ki tum aa.e ho mere ghar meñ

aaj ābād huā ḳhāna-e-vīrāñ merā

ruḳh-e-jānāñ kā jo rahtā hai tasavvur 'ārif'

kaukab-e-baḳht hai ye dīda-e-hairāñ merā

kya karegi ye teri kakul-e-paiman mera

haal kuchh is se bhi afzun hai pareshan mera

pas aane bhi na dewe kabhu parwane ko

dekh le haal agar sham-e-farozan mera

ji mein hai dekhiye mar kar bhi ki kya hota hai

jite-ji tak to na nikla koi arman mera

shukr sad-shukr ki tum aae ho mere ghar mein

aaj aabaad hua KHana-e-viran mera

ruKH-e-jaanan ka jo rahta hai tasawwur 'arif'

kaukab-e-baKHt hai ye dida-e-hairan mera