kya karen kyun-kar rahen duniya mein yaro hum KHushi
kyā kareñ kyūñ-kar raheñ duniyā meñ yaaro ham ḳhushī
ham ko rahne hī nahīñ detā hai hargiz ġham ḳhushī
ham to apne dard aur ġham meñ nipaT mahzūz haiñ
ham ko kyā is baat se rahtā hai gar aalam ḳhushī
ai azīzo is ḳhushī ko kui ḳhushī nahīñ pahuñchtī
āshiq aur ma.ashūq jab hote haiñ mil bāham ḳhushī
ai falak jis jis tarah kā ġham tū chāhe mujh ko de
maiñ kabhī nālāñ na huuñ hargiz rahūñ har dam ḳhushī
yaar hai mai hai chaman hai kyuuñ na ham ḳhush-vaqt hoñ
is tarah kī hogī ai 'tābāñ' kisī ko kam ḳhushī
kya karen kyun-kar rahen duniya mein yaro hum KHushi
hum ko rahne hi nahin deta hai hargiz gham KHushi
hum to apne dard aur gham mein nipaT mahzuz hain
hum ko kya is baat se rahta hai gar aalam KHushi
ai azizo is KHushi ko kui KHushi nahin pahunchti
aashiq aur mashuq jab hote hain mil baham KHushi
ai falak jis jis tarah ka gham tu chahe mujh ko de
main kabhi nalan na hun hargiz rahun har dam KHushi
yar hai mai hai chaman hai kyun na hum KHush-waqt hon
is tarah ki hogi ai 'taban' kisi ko kam KHushi
- Deewan-e-Taban Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
