kya karun kuchh bhi samajh aata nahin
kyā karūñ kuchh bhī samajh aatā nahīñ
vo ḳhayāloñ se mire jaatā nahīñ
kyā ḳhabar chehra kahāñ vo kho gayā
ḳhvāb meñ bhī jo nazar aatā nahīñ
raat jugnū chāñd-tāroñ kā hujūm
dil pareshāñ chain kyuuñ paatā nahīñ
koī sūraj apne dāman meñ liye
ḳhvāb-e-fardā kā nishāñ aatā nahīñ
barf zehnoñ meñ jamī hai is qadar
hādsoñ kā Dar bhī garmātā nahīñ
is qadar dhuñdlā gayā hai aa.ina
koī bhī chehra nazar aatā nahīñ
kis liye un ke tasavvur kā tilism
ab dil-e-'mushtāq' bahlātā nahīñ
kya karun kuchh bhi samajh aata nahin
wo KHayalon se mere jata nahin
kya KHabar chehra kahan wo kho gaya
KHwab mein bhi jo nazar aata nahin
raat jugnu chand-taron ka hujum
dil pareshan chain kyun pata nahin
koi suraj apne daman mein liye
KHwab-e-farda ka nishan aata nahin
barf zehnon mein jami hai is qadar
hadson ka Dar bhi garmata nahin
is qadar dhundla gaya hai aaina
koi bhi chehra nazar aata nahin
kis liye un ke tasawwur ka tilism
ab dil-e-'mushtaq' bahlata nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
