کیا خریدوگے چار آنے میں
کیا خریدوگے چار آنے میں
عقل مندی ہے گھر نہ جانے میں
تبصرہ کر رہے ہیں دنیا پر
چند بچے شراب خانے میں
پرسش حال کر رہے ہیں لوگ
کیا بگڑتا ہے مسکرانے میں
اے مصور یہ سرخ رو چہرہ
ایسی تصویر اس زمانے میں
گھر میں اندھیر کر گیا کوئی
دیر کر دی چراغ لانے میں
چھپ کے بیٹھی ہوئی ہے موت کہیں
زندگی تیرے شامیانے میں
بے لباسی نصیب ہے اس کا
خواب بنتا ہے کارخانے میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
