کیا خوشی ہوتی ہے جس دم گھر مرے وہ آئے ہے

کیا خوشی ہوتی ہے جس دم گھر مرے وہ آئے ہے

بڑھتے بڑھتے آسماں سے سر مرا لگ جائے ہے

چارہ گر لے لے کے مرہم کس لیے تو آئے ہے

جب تلک پھرتے ہیں اس میں زخم دل بھر جائے ہے

ایک دو نالوں ہی میں تو اے فلک گھبرا گیا

اس کے دل کو دیکھ جو رہتا مرے ہم سایے ہے

ایک دھم دھم کی صدا آتی ہے کانوں میں بڑی

آج پھر دیوانہ تیرا سر کہیں ٹکرائے ہے

اے خضر میخانے میں عارفؔ کا کب تک انتظار

یاں چلے آتے ہیں جب دل ان کا ٹک لہرائے ہے