kya KHub hai jannat ka tamasha mere aage

kyā ḳhuub hai jannat kā tamāshā mire aage

biivī ko burā kahtā hai saalā mire aage

chaTḳhāre liyā kartā huuñ aksar maiñ ġhamoñ meñ

duniyā hai ye chīnī kā batāshā mire aage

hoñToñ pe lipstick jo lagī thī na chhuTTī vo

kamre meñ thā ik dhuñdlā sā shīsha mire aage

maiñ gandī sī galiyoñ meñ unheñ DhūñD hī lūñgā

guide jo chale saath meñ sīdhā mire aage

nāTak meñ zarā male se female banā thā

choTī mere pīchhe thī to lahñgā mire aage

pāpaḌ to sabhī chhoTe baḌe bel chukā huuñ

kaunain kā bas rah gayā dhandā mire aage

sab raqs mirī āñkhoñ ko lagne lage phīke

hijḌoñ ne lagāyā thā jo Thumkā mire aage

sāñDoñ kī laḌā.ī meñ pareshān sabhī the

kuttā mire pīchhe thā to bhaiñsā mire aage

kal arthī ke nīche se paḌā mujh ko guzarnā

khaDDā mire pīchhe thā to khambā mire aage

maiñ jab se banā qaum kī taqdīr kā rahbar

rahtā hai police vāloñ kā dasta mire aage

ġhurbat hai na aahoñ meñ dhuāñ hai na sadā hai

biiḌī hai na cigarette hai na huqqa mire aage

āñkheñ mirī ban jaatī haiñ raqqāsa-e-ālam

aa jaatā hai jab bhī tirā kūlhā mire aage

ghus jaatā huuñ panDit ke kabhī mullā ke ghar meñ

aatā hai nazar jab koī dangā mire aage

ustādī ke is darje meñ maiñ aaj huuñ faa.ez

shaitān bhī ban jaatā hai baunā mire aage

chhanvā.ī miyāñ majnūñ ko jangal kī bahut ḳhaak

har 'rāz' ugal detī thī lailā mire aage

kya KHub hai jannat ka tamasha mere aage

biwi ko bura kahta hai sala mere aage

chaTKHare liya karta hun aksar main ghamon mein

duniya hai ye chini ka batasha mere aage

honTon pe lipstick jo lagi thi na chhuTTi wo

kamre mein tha ek dhundla sa shisha mere aage

main gandi si galiyon mein unhen DhunD hi lunga

guide jo chale sath mein sidha mere aage

naTak mein zara male se female bana tha

choTi mere pichhe thi to lahnga mere aage

papaD to sabhi chhoTe baDe bel chuka hun

kaunain ka bas rah gaya dhanda mere aage

sab raqs meri aankhon ko lagne lage phike

hijDon ne lagaya tha jo Thumka mere aage

sanDon ki laDai mein pareshan sabhi the

kutta mere pichhe tha to bhainsa mere aage

kal arthi ke niche se paDa mujh ko guzarna

khaDDa mere pichhe tha to khamba mere aage

main jab se bana qaum ki taqdir ka rahbar

rahta hai police walon ka dasta mere aage

ghurbat hai na aahon mein dhuan hai na sada hai

biDi hai na cigarette hai na huqqa mere aage

aankhen meri ban jati hain raqqasa-e-alam

aa jata hai jab bhi tera kulha mere aage

ghus jata hun panDit ke kabhi mulla ke ghar mein

aata hai nazar jab koi danga mere aage

ustadi ke is darje mein main aaj hun faez

shaitan bhi ban jata hai bauna mere aage

chhanwai miyan majnun ko jangal ki bahut KHak

har 'raaz' ugal deti thi laila mere aage