kya kya ajal ne jaan churai tamam shab

kyā kyā ajal ne jaan churā.ī tamām shab

koī bhī aarzū na bar aa.ī tamām shab

dil-soz kab hue haiñ ki jab ḳhaak ho gayā

turbat pe merī sham.a jalā.ī tamām shab

ai vā-e-talḳh-kāmī-e-roz-e-bad-firāq

nāseh ne jān-e-ġham-zada khaa.ī tamām shab

az-bas yaqīn-e-vāda-e-dīdār-e-ḳhvāb thā

kyā ḳhush hue ki niiñd na aa.ī tamām shab

ik āh-e-dil-nashīñ se vo but munfa.il huā

vallāh kyā nadāmat uThā.ī tamām shab

lagte hī aañkh dekh liyā jalva-e-nihāñ

pesh-e-nazar thī shān-e-ḳhudā.ī tamām shab

kya kya ajal ne jaan churai tamam shab

koi bhi aarzu na bar aai tamam shab

dil-soz kab hue hain ki jab KHak ho gaya

turbat pe meri shama jalai tamam shab

ai wa-e-talKH-kaami-e-roz-e-bad-firaq

naseh ne jaan-e-gham-zada khai tamam shab

az-bas yaqin-e-wada-e-didar-e-KHwab tha

kya KHush hue ki nind na aai tamam shab

ek aah-e-dil-nashin se wo but munfail hua

wallah kya nadamat uThai tamam shab

lagte hi aankh dekh liya jalwa-e-nihan

pesh-e-nazar thi shan-e-KHudai tamam shab