kya liye jate ho chupke se chhupa kar hath mein

kyā liye jaate ho chupke se chhupā kar haath meñ

dil nahīñ hai gar to kyā hai banda-parvar haath meñ

til hathelī kā hai daana aur lakīreñ daam haiñ

tā.ir-e-rañg-e-hinā aatā hai uḌ kar haath meñ

jazba-e-dil ne jo ghabrāyā pahan kar chal diye

haath kā paaoñ meñ aur paaoñ kā zevar haath meñ

le uḌā kyā iztirāb-e-justujū-e-nāma-bar

maiñ jo uchhlā aa ga.e jibrīl ke par haath meñ

huuñ vo dīvāna tirā sahrā meñ jis kī dhuum thī

dekh kar majnūñ uThā letā thā patthar haath meñ

kal kisī kā ḳhuun hogā shahr meñ mash.hūr hai

'sho.ala' mehñdī lag rahī hai aaj ghar ghar haath meñ

kya liye jate ho chupke se chhupa kar hath mein

dil nahin hai gar to kya hai banda-parwar hath mein

til hatheli ka hai dana aur lakiren dam hain

tair-e-rang-e-hina aata hai uD kar hath mein

jazba-e-dil ne jo ghabraya pahan kar chal diye

hath ka paon mein aur paon ka zewar hath mein

le uDa kya iztirab-e-justuju-e-nama-bar

main jo uchhla aa gae jibril ke par hath mein

hun wo diwana tera sahra mein jis ki dhum thi

dekh kar majnun uTha leta tha patthar hath mein

kal kisi ka KHun hoga shahr mein mashhur hai

'shoala' mehndi lag rahi hai aaj ghar ghar hath mein