kya masarrat hai puchhiye humse
kyā masarrat hai pūchhiye ham se
hai ibārat har ik ḳhushī ġham se
araq-ālūd aap kā chehra
ho dhulā phuul jaise shabnam se
zabt-e-girya se rāz-e-ġham thā chhupā
khul gayā aaj chashm-e-pur-nam se
dard-e-dil kā nahīñ koī darmāñ
zaḳhm kyā mundamil ho marham se
dar-haqīqat qarīb rahte haiñ
vo ba-zāhir hī duur haiñ ham se
jab azal se ḳhatā zamīr meñ hai
kyuuñ ḳhatā ho na ibn-e-ādam se
kya masarrat hai puchhiye hum se
hai ibarat har ek KHushi gham se
araq-alud aap ka chehra
ho dhula phul jaise shabnam se
zabt-e-girya se raaz-e-gham tha chhupa
khul gaya aaj chashm-e-pur-nam se
dard-e-dil ka nahin koi darman
zaKHm kya mundamil ho marham se
dar-haqiqat qarib rahte hain
wo ba-zahir hi dur hain hum se
jab azal se KHata zamir mein hai
kyun KHata ho na ibn-e-adam se
- Book : Harf Harf Khowab (Pg. 59)
- Author : asi ramnagari
- Publication : Nasim Pathara Po. Moghalsarai (Varansi) (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
