کیا ملوں اس سے جو مجھ کو دیکھ کر لہجہ سجائے

کیا ملوں اس سے جو مجھ کو دیکھ کر لہجہ سجائے

ایسی ناقدری پہ تف جو خون کے آنسو رلائے

میرے لہجے کی لطافت پر خفا تو ہے مگر

جنگ جو الفاظ سے تیرے خدا مجھ کو سجائے

زندگانی کی سزا اس سرپھرے سے پوچھئے

دیو صورت سر پہ پھرتا ہے جو بار غم اٹھائے

ہائے وہ مفلس جوانی جو سسکتی ہی رہے

ہائے وہ کیسی تمنا عمر بھر جو بر نہ آئے

دیکھ کر انساں کی پستی دور حاضر میں کمالؔ

ہاتھ رکھ کر سینے پر ہم کر رہے ہیں ہائے ہائے