kya muqaddar hai Thahre pani ka
kyā muqaddar hai Thahre paanī kā
hukm aatā nahīñ ravānī kā
sā.at-e-sabz mamba.a-e-anvār
koī unvāñ mirī kahānī kā
koī patthar uchhāl kar dekho
shor hogā to hogā paanī kā
shor kartā vajūd-e-fānī meñ
ek sannāTā lā-makānī kā
mahl thā ek do the shahzāde
ek raaja kā ek raanī kā
sāhiloñ sāhiloñ guzar jaa.eñ
koī mausam to ho ravānī kā
bazm-e-sūrat-garāñ meñ charchā thā
ek tasvīr-e-rā.egānī kā
neza neza ubhar ke dekh liyā
ek dhokā thā kāmrānī kā
sāhiloñ par bachā nahīñ kuchh bhī
bas nishāñ rah gayā hai paanī kā
kya muqaddar hai Thahre pani ka
hukm aata nahin rawani ka
saat-e-sabz mamba-e-anwar
koi unwan meri kahani ka
koi patthar uchhaal kar dekho
shor hoga to hoga pani ka
shor karta wajud-e-fani mein
ek sannaTa la-makani ka
mahl tha ek do the shahzade
ek raja ka ek rani ka
sahilon sahilon guzar jaen
koi mausam to ho rawani ka
bazm-e-surat-garan mein charcha tha
ek taswir-e-raegani ka
neza neza ubhar ke dekh liya
ek dhoka tha kaamrani ka
sahilon par bacha nahin kuchh bhi
bas nishan rah gaya hai pani ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
