kya nazar aaega nazir mere
kyā nazar aa.egā nāzir mere
zaḳhm ġhā.eb haiñ ba-zāhir mere
phir mujhe dost mile patthar ke
aa.ine TuuT ga.e phir mere
in meñ kis ko nazar-andāz karūñ
sāmne haiñ jo manāzir mere
dushmanoñ se mujhe pahchān milī
kaam aa.e vahī āḳhir mere
ishq kī raah meñ ḳhatre haiñ bahut
soch lenā ye musāfir mere
dard siine meñ jo poshīda the
ashk vo kar ga.e zāhir mere
likhne baiThā hai kahānī merī
thak na jaa.e tū muharrir mere
kya nazar aaega nazir mere
zaKHm ghaeb hain ba-zahir mere
phir mujhe dost mile patthar ke
aaine TuT gae phir mere
in mein kis ko nazar-andaz karun
samne hain jo manazir mere
dushmanon se mujhe pahchan mili
kaam aae wahi aaKHir mere
ishq ki rah mein KHatre hain bahut
soch lena ye musafir mere
dard sine mein jo poshida the
ashk wo kar gae zahir mere
likhne baiTha hai kahani meri
thak na jae tu muharrir mere
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
