kya nigahon ne koi KHwab sajaya na kabhi

kyā nigāhoñ ne koī ḳhvāb sajāyā na kabhī

kyā kisī ko bhī qarīb apne bulāyā na kabhī

aate rahne ke liye shukriya ai yaad ki dost

maiñ hī mujrim huuñ tirī yaad meñ aayā na kabhī

us kī album meñ to tasvīr mirī hai maujūd

us ne tasvīr ko siine se lagāyā na kabhī

maiñ tujhe kaise batā detā dil-e-nāz kā haal

hāl-e-dil maiñ ne to ḳhud ko bhī batāyā na kabhī

dil churā kar mirā kahtā hai mujhe chor ye ab

ḳhud hī chorī huā us ne to churāyā na kabhī

qahqahe auroñ kī ḳhushiyoñ meñ rahe haiñ shāmil

mere hālāt ne ḳhud mujh ko hañsāyā na kabhī

maiñ ne auroñ se sunā hai ki nasīm aatī hai

kyuuñ mujhe vaqt-e-sahar us ne jagāyā na kabhī

terī 'jāved' ye aadat hai ḳhudā ko bhī pasand

tū ne nazroñ se kisī ko bhī girāyā na kabhī

kya nigahon ne koi KHwab sajaya na kabhi

kya kisi ko bhi qarib apne bulaya na kabhi

aate rahne ke liye shukriya ai yaad ki dost

main hi mujrim hun teri yaad mein aaya na kabhi

us ki album mein to taswir meri hai maujud

us ne taswir ko sine se lagaya na kabhi

main tujhe kaise bata deta dil-e-naz ka haal

haal-e-dil main ne to KHud ko bhi bataya na kabhi

dil chura kar mera kahta hai mujhe chor ye ab

KHud hi chori hua us ne to churaya na kabhi

qahqahe auron ki KHushiyon mein rahe hain shamil

mere haalat ne KHud mujh ko hansaya na kabhi

main ne auron se suna hai ki nasim aati hai

kyun mujhe waqt-e-sahar us ne jagaya na kabhi

teri 'jawed' ye aadat hai KHuda ko bhi pasand

tu ne nazron se kisi ko bhi giraya na kabhi