kya pata tha ek din hum be-hunar ho jaenge

kyā pata thā ek din ham be-hunar ho jā.eñge

ġham ke tūfāñ ham pe haavī is qadar ho jā.eñge

jo tasavvur meñ mire din-rāt karte haiñ tavāf

rab ne chāhā to vo mere ham-safar ho jā.eñge

mushkiloñ kā āfatoñ kā Dar nahīñ koī mujhe

marhale maañ kī du'āoñ se to sar ho jā.eñge

aaj ġham hai kal ḳhushī ke din bhī ā.eñge zarūr

mushkiloñ ke lamhe yuuñ to muḳhtasar ho jā.eñge

kāravā.ī jab karoge nek logoñ ke ḳhilāf

dekh lenā saare harbe be-asar ho jā.eñge

vo bahut hī ḳhush hue the chhoḌ kar tanhā hameñ

ye gumāñ thā un ko ab ham dar-ba-dar ho jā.eñge

aap kahte ho sikhā.eñ she'r ke un ko rumūz

vo agar chhā jā.eñge ham be-asar ho jā.eñge

shukr-e-rab kartā rahegā lamha-lamha 'arsalān'

aap qismat se kabhī mere agar ho jā.eñge

kya pata tha ek din hum be-hunar ho jaenge

gham ke tufan hum pe hawi is qadar ho jaenge

jo tasawwur mein mere din-raat karte hain tawaf

rab ne chaha to wo mere ham-safar ho jaenge

mushkilon ka aafaton ka Dar nahin koi mujhe

marhale man ki du'aon se to sar ho jaenge

aaj gham hai kal KHushi ke din bhi aaenge zarur

mushkilon ke lamhe yun to muKHtasar ho jaenge

karawai jab karoge nek logon ke KHilaf

dekh lena sare harbe be-asar ho jaenge

wo bahut hi KHush hue the chhoD kar tanha hamein

ye guman tha un ko ab hum dar-ba-dar ho jaenge

aap kahte ho sikhaen she'r ke un ko rumuz

wo agar chha jaenge hum be-asar ho jaenge

shukr-e-rab karta rahega lamha-lamha 'arsalan'

aap qismat se kabhi mere agar ho jaenge