kya phir koi taqrib-e-mulaqat na hogi

kyā phir koī taqrīb-e-mulāqāt na hogī

kyā yūñhī chale jāoge kuchh baat na hogī

kyā tā-ba-qayāmat yuuñ sulagte hī raheñge

is zulm-e-musalsal kī mukāfāt na hogī

ab ālam-e-hairat meñ guzar jā.eñgī umreñ

ab din kā to kyā zikr kabhī raat na hogī

le jaao ye dil bhī ki amānat hai tumhārī

de jaao agar daaġh baḌī baat na hogī

ye ziist tire hijr meñ ai jān-e-tamannā

kyā hogī agar manzil-e-āfāt na hogī

ab dil pe jo guzregī faqat dil meñ rahegī

ab rasm-o-rah-e-shukr-o-shikāyāt na hogī

ehsās pe ik ġham kī ghaTā chhā.ī huī hai

ab kaun sā mausam hai ki barsāt na hogī

kya phir koi taqrib-e-mulaqat na hogi

kya yunhi chale jaoge kuchh baat na hogi

kya ta-ba-qayamat yun sulagte hi rahenge

is zulm-e-musalsal ki mukafat na hogi

ab aalam-e-hairat mein guzar jaengi umren

ab din ka to kya zikr kabhi raat na hogi

le jao ye dil bhi ki amanat hai tumhaari

de jao agar dagh baDi baat na hogi

ye zist tere hijr mein ai jaan-e-tamanna

kya hogi agar manzil-e-afat na hogi

ab dil pe jo guzregi faqat dil mein rahegi

ab rasm-o-rah-e-shukr-o-shikayat na hogi

ehsas pe ek gham ki ghaTa chhai hui hai

ab kaun sa mausam hai ki barsat na hogi