kya qayamat hai ki ayyari hi fankari hui

kyā qayāmat hai ki 'ayyārī hī fankārī huī

fitna-parvar qātiloñ ke naam sardārī huī

in dinoñ raa.ij huā hai ḳhuub tarz-e-munsifī

ḳhūñ-bahā thā jis kā haq us kī giraftārī huī

is liye ham se ḳhafā hai maslahat-koshoñ kī bhiiḌ

shahryāroñ kī na ham se nāz-bardārī huī

chand lamhe kyā tirī palkoñ ke saa.e meñ chale

phir kabhī sho'loñ pe chalne meñ na dushvārī huī

is haqīqat par kabhī tārīḳh ro.egī bahut

vaj.h merī haar kī apnoñ kī ġhaddārī huī

ai mire logo na jaane kuuch kab karnā paḌe

kyā kabhī sochā safar kī kitnī tayyārī huī

justujū-e-manzil-e-tābāñ ho she'roñ meñ 'na'īm'

kyā maza gar dil pe bujhne kī fazā taarī huī

kya qayamat hai ki 'ayyari hi fankari hui

fitna-parwar qatilon ke nam sardari hui

in dinon raij hua hai KHub tarz-e-munsifi

KHun-baha tha jis ka haq us ki giraftari hui

is liye hum se KHafa hai maslahat-koshon ki bhiD

shahryaron ki na hum se naz-bardari hui

chand lamhe kya teri palkon ke sae mein chale

phir kabhi sho'lon pe chalne mein na dushwari hui

is haqiqat par kabhi tariKH roegi bahut

wajh meri haar ki apnon ki ghaddari hui

ai mere logo na jaane kuch kab karna paDe

kya kabhi socha safar ki kitni tayyari hui

justuju-e-manzil-e-taban ho she'ron mein 'na'im'

kya maza gar dil pe bujhne ki faza tari hui