kya sitam hai ki madad-gar samajh lete hain
kyā sitam hai ki madad-gār samajh lete haiñ
sab tumheñ merā taraf-dār samajh lete haiñ
ham ne pāzeb meñ lipTī huī aa.heñ bhī sunī
aap jhankār ko jhankār samajh lete haiñ
baat agar Duub ke marne kī hī Thahrī to ham
ek aañsū ko bhī majdhār samajh lete haiñ
mujh ko aatī hai hañsī sar se bañdhe kapḌoñ ko
log kis shauq se dastār samajh lete haiñ
kyā himāqat hai ki ham saada tabī'at vaale
ḳhāmushī ko tirī inkār samajh lete haiñ
kya sitam hai ki madad-gar samajh lete hain
sab tumhein mera taraf-dar samajh lete hain
hum ne pazeb mein lipTi hui aahen bhi suni
aap jhankar ko jhankar samajh lete hain
baat agar Dub ke marne ki hi Thahri to hum
ek aansu ko bhi majdhaar samajh lete hain
mujh ko aati hai hansi sar se bandhe kapDon ko
log kis shauq se dastar samajh lete hain
kya himaqat hai ki hum sada tabi'at wale
KHamushi ko teri inkar samajh lete hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
