kya tang hum sitam-zadagan ka jahan hai

Mirza Ghalib

kya tang hum sitam-zadagan ka jahan hai

Mirza Ghalib

MORE BYMirza Ghalib

    Interesting Fact

    Sixth sher has been dedicated to the last Mughal Emperor and contemporary of Ghalib and Zauq.

    kyā tañg ham sitam-zadagāñ jahān hai

    jis meñ ki ek baiza-e-mor āsmān hai

    hai kā.enāt ko harakat tere zauq se

    partav se āftāb ke zarre meñ jaan hai

    hālāñki hai ye sīli-e-ḳhārā se laala rañg

    ġhāfil ko mere shīshe pe mai gumān hai

    us ne garm sīna-e-ahl-e-havas meñ

    aave na kyuuñ pasand ki ThanDā makān hai

    kyā ḳhuub tum ne ġhair ko bosa nahīñ diyā

    bas chup raho hamāre bhī muñh meñ zabān hai

    baiThā hai jo ki sāya-e-dīvār-e-yār meñ

    farmāñ-ravā-e-kishvar-e-hindūstān hai

    hastī e'tibār bhī ġham ne miTā diyā

    kis se kahūñ ki daaġh jigar nishān hai

    hai baare e'timād-e-vafā-dārī is qadar

    'ġhālib' ham is meñ ḳhush haiñ ki nā-mehrbān hai

    dehlī ke rahne vaalo 'asad' ko satāo mat

    be-chāra chand roz yaañ mehmān hai

    kya tang hum sitam-zadagan ka jahan hai

    jis mein ki ek baiza-e-mor aasman hai

    hai kaenat ko harakat tere zauq se

    partaw se aaftab ke zarre mein jaan hai

    haalanki hai ye sili-e-KHara se lala rang

    ghafil ko mere shishe pe mai ka guman hai

    ki us ne garm sina-e-ahl-e-hawas mein ja

    aawe na kyun pasand ki ThanDa makan hai

    kya KHub tum ne ghair ko bosa nahin diya

    bas chup raho hamare bhi munh mein zaban hai

    baiTha hai jo ki saya-e-diwar-e-yar mein

    farman-rawa-e-kishwar-e-hindustan hai

    hasti ka e'tibar bhi gham ne miTa diya

    kis se kahun ki dagh jigar ka nishan hai

    hai bare e'timad-e-wafa-dari is qadar

    'ghaalib' hum is mein KHush hain ki na-mehrban hai

    dehli ke rahne walo 'asad' ko satao mat

    be-chaara chand roz ka yan mehman hai

    Source :
    • Book : Ghair Mutdavil Kalam-e-Ghalib (Pg. 148)
    • Author : Jamal Abdul Wahid
    • Publication : Ghalib Academy Basti Hazrat Nizamuddin,New Delhi-13 (2016)
    • Edition : 2016
    • Book : Deewan-e-Ghalib Jadeed (Al-Maroof Ba Nuskha-e-Hameedia) (Pg. 309)
    • Author : Mufti Mohammad Anwar-ul-haque
    • Publication : Madhya Pradesh Urdu Academy ,Bhopal (1904-1982)
    • Edition : 1904-1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY