kya tujh par bhi bechaini si tari hai
kyā tujh par bhī bechainī sī taarī hai
mujh par to ye hijr bahut hī bhārī hai
bhāgo bhāgo duniyā ke pīchhe bhāgo
mujh ko mujh meñ rahne kī bīmārī hai
be-adabī kī baat adab se karte haiñ
kam-zarfoñ meñ kis had tak makkārī hai
jis shohrat par tum itnā itrāte ho
maiñ ne us ko har dam Thokar maarī hai
terā ġham hai jo likhvātā rahtā hai
varna mujh meñ kab itnī fankārī hai
kya tujh par bhi bechaini si tari hai
mujh par to ye hijr bahut hi bhaari hai
bhago bhago duniya ke pichhe bhago
mujh ko mujh mein rahne ki bimari hai
be-adabi ki baat adab se karte hain
kam-zarfon mein kis had tak makkari hai
jis shohrat par tum itna itraate ho
main ne us ko har dam Thokar mari hai
tera gham hai jo likhwata rahta hai
warna mujh mein kab itni fankari hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
