kya tum bhi tariqa naya ijad karo ho

kyā tum bhī tarīqa nayā ījād karo ho

ḳhud apnā banā kar mujhe barbād karo ho

rakkho ho har ik baar fasāne ko adhūrā

kab apne sitam shāmil-e-rūdād karo ho

lagtā nahīñ dilchasp jo shīrīñ kā fasāna

kyuuñ zikr-e-vafā koshī-e-farhād karo ho

pal bhar ko tumheñ ham se bhulāyā nahīñ jaatā

bhūle se kabhī tum bhī hameñ yaad karo ho

dekho ho kabhī aa ke ye vīrāni-e-dil bhī

āñkheñ mirī ḳhvāboñ se jo ābād karo ho

kya tum bhi tariqa naya ijad karo ho

KHud apna bana kar mujhe barbaad karo ho

rakkho ho har ek bar fasane ko adhura

kab apne sitam shamil-e-rudad karo ho

lagta nahin dilchasp jo shirin ka fasana

kyun zikr-e-wafa koshi-e-farhad karo ho

pal bhar ko tumhein hum se bhulaya nahin jata

bhule se kabhi tum bhi hamein yaad karo ho

dekho ho kabhi aa ke ye virani-e-dil bhi

aankhen meri KHwabon se jo aabaad karo ho