kya tum se kahun mujhse wo kya puchh raha tha

kyā tum se kahūñ mujh se vo kyā pūchh rahā thā

mujh se hī mere ghar kā pata pūchh rahā thā

nafrat ke asīroñ se mirī sādgī dekho

maiñ dard-e-mohabbat kī davā pūchh rahā thā

bebāk nigāhoñ kī taraf dekh ke merā

dil mujh se taḌapne kā mazā pūchh rahā thā

kyūñkar na kiyā yaad mujhe vaqt-e-musībat

logoñ se mohabbat kā ḳhudā pūchh rahā thā

iqrār-e-mohabbat kā ye andāz ajab hai

vo karke ḳhatā merī ḳhatā pūchh rahā thā

shāyad vo isī baat pe rone lage 'dilkash'

maiñ jurm-e-mohabbat kī sazā pūchh rahā thā

kya tum se kahun mujh se wo kya puchh raha tha

mujh se hi mere ghar ka pata puchh raha tha

nafrat ke asiron se meri sadgi dekho

main dard-e-mohabbat ki dawa puchh raha tha

bebak nigahon ki taraf dekh ke mera

dil mujh se taDapne ka maza puchh raha tha

kyunkar na kiya yaad mujhe waqt-e-musibat

logon se mohabbat ka KHuda puchh raha tha

iqrar-e-mohabbat ka ye andaz ajab hai

wo karke KHata meri KHata puchh raha tha

shayad wo isi baat pe rone lage 'dilkash'

main jurm-e-mohabbat ki saza puchh raha tha