کیا یہی ہے جس پہ ہم دیتے ہیں جاں (ردیف .. ے)
کیا یہی ہے جس پہ ہم دیتے ہیں جاں
یا کوئی دنیائے فانی اور ہے
یوں تو ہر انسان گویا ہے مگر
شیوۂ شیوا بیانی اور ہے
چل رہی ہے جس سے جسمانی مشین
کوئی پوشیدہ کمانی اور ہے
دل نے پیدا کی کہاں سے یہ ترنگ
کوئی تحریک نہانی اور ہے
غیر سمجھا ہے کسے اے ہم نشیں
میرے دل میں بد گمانی اور ہے
تم نے کب دیکھا ہے بے رنگی کا رنگ
بے نشانی کی نشانی اور ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
