kya ye fareb-e-gardish-e-shams-o-qamar nahin

kyā ye fareb-e-gardish-e-shams-o-qamar nahīñ

ab shab bhī shab nahīñ hai sahar bhī sahar nahīñ

ā.īna kah rahā hai ki tanhā nahīñ huuñ maiñ

hairat kī baat ye ki koī ham-safar nahīñ

kahte haiñ dīda-var ki bayābāñ kaho use

vo gulsitāñ ki jis meñ koī dīda-var nahīñ

sūrat jo dekhiye to har ik mīr-e-kārvāñ

manzil se pūchhiye to koī rāhbar nahīñ

'nashtar' liye jo phirtī hai sahrā-o-dasht meñ

hai aur kyā jo hasrat-e-dīvār-o-dar nahīñ

kya ye fareb-e-gardish-e-shams-o-qamar nahin

ab shab bhi shab nahin hai sahar bhi sahar nahin

aaina kah raha hai ki tanha nahin hun main

hairat ki baat ye ki koi ham-safar nahin

kahte hain dida-war ki bayaban kaho use

wo gulsitan ki jis mein koi dida-war nahin

surat jo dekhiye to har ek mir-e-karwan

manzil se puchhiye to koi rahbar nahin

'nashtar' liye jo phirti hai sahra-o-dasht mein

hai aur kya jo hasrat-e-diwar-o-dar nahin