kya zindagi hai koi saza sochna paDa

kyā zindagī hai koī sazā sochnā paḌā

kyoñ māñgte haiñ log duā sochnā paḌā

terā badan ye terī javānī tirā chalan

kis kis ko lag rahī hai havā sochnā paḌā

sab ke badan libās se bāhar nikal na aa.eñ

ye Dank kaun maar gayā sochnā paḌā

be-kas ġharīb par ki ġharībī haTāo par

sarmāya-dār kis pe hañsā sochnā paḌā

kyā vo hai bevaqūf ki jo boltā hai sach

is baat ko samajhnā paḌā sochnā paḌā

qātil ne aaj pheñk dī talvār kyoñ 'qamar'

kaaTā thā us ne kis kā galā sochnā paḌā

kya zindagi hai koi saza sochna paDa

kyon mangte hain log dua sochna paDa

tera badan ye teri jawani tera chalan

kis kis ko lag rahi hai hawa sochna paDa

sab ke badan libas se bahar nikal na aaen

ye Dank kaun mar gaya sochna paDa

be-kas gharib par ki gharibi haTao par

sarmaya-dar kis pe hansa sochna paDa

kya wo hai bewaquf ki jo bolta hai sach

is baat ko samajhna paDa sochna paDa

qatil ne aaj phenk di talwar kyon 'qamar'

kaTa tha us ne kis ka gala sochna paDa