kyon bazm ki karta hai tamanna dil-e-nadan

kyoñ bazm kī kartā hai tamannā dil-e-nādāñ

ho jā.egā tū aur bhī tanhā dil-e-nādāñ

hai hijr mohabbat kā taqāza dil-e-nādāñ

ab kar hī le tū pakkā irāda dil-e-nādāñ

har gaam pe hī log badalte haiñ yahāñ dil

ḳhush rahtā agar tū bhī badaltā dil-e-nādāñ

kuchh aur dhaḌak aur dhaḌak aur dhaḌak aur

tū ḳhud hī samajh jā.egā qissa dil-e-nādāñ

chup-chāp sitam vaqt ke maiñ sah to rahī huuñ

dekho na banā de ye tamāshā dil-e-nādāñ

vo aa.e the baiThe the koī baat bhī kī thī

tū dekhtā hai ḳhvāb bhī kyā kyā dil-e-nādāñ

hogā na kisī se bhī tire ġham kā mudāvā

bīmār bhī to tū hī masīhā dil-e-nādāñ

kyon bazm ki karta hai tamanna dil-e-nadan

ho jaega tu aur bhi tanha dil-e-nadan

hai hijr mohabbat ka taqaza dil-e-nadan

ab kar hi le tu pakka irada dil-e-nadan

har gam pe hi log badalte hain yahan dil

KHush rahta agar tu bhi badalta dil-e-nadan

kuchh aur dhaDak aur dhaDak aur dhaDak aur

tu KHud hi samajh jaega qissa dil-e-nadan

chup-chap sitam waqt ke main sah to rahi hun

dekho na bana de ye tamasha dil-e-nadan

wo aae the baiThe the koi baat bhi ki thi

tu dekhta hai KHwab bhi kya kya dil-e-nadan

hoga na kisi se bhi tere gham ka mudawa

bimar bhi to tu hi masiha dil-e-nadan