kyon dar-ba-dar phirun meri qismat mein kya nahin

kyoñ dar-ba-dar phirūñ mirī qismat meñ kyā nahīñ

but āshnā nahīñ hai mirā yā ḳhudā nahīñ

ik baar aur merī ayādat ko aa.iye

achchhī tarah se maiñ abhī achchhā huā nahīñ

maiñ ḳhuub jāntā huuñ lagāvaT ko aap kī

āñkheñ to mil rahī haiñ magar dil milā nahīñ

āñkheñ laḌī huī haiñ guloñ kī bahār par

nargis kī TikTikī ko koī dekhtā nahīñ

din kāTne ko ḳhuub to hai dil-lagī kī raah

achchhā hai jī lagā jo kisī se burā nahīñ

Dartā hai roz-e-hashr kī saḳhtī se kis liye

kyā tū tabīb ḳhādim-e-ḳhair-ul-varā nahīñ

kyon dar-ba-dar phirun meri qismat mein kya nahin

but aashna nahin hai mera ya KHuda nahin

ek bar aur meri ayaadat ko aaiye

achchhi tarah se main abhi achchha hua nahin

main KHub jaanta hun lagawaT ko aap ki

aankhen to mil rahi hain magar dil mila nahin

aankhen laDi hui hain gulon ki bahaar par

nargis ki TikTiki ko koi dekhta nahin

din kaTne ko KHub to hai dil-lagi ki rah

achchha hai ji laga jo kisi se bura nahin

Darta hai roz-e-hashr ki saKHti se kis liye

kya tu tabib KHadim-e-KHair-ul-wara nahin