kyon hai teri aankh nam jo ho gaya so ho gaya
kyoñ hai terī aañkh nam jo ho gayā so ho gayā
yuuñ na kar ḳhud par sitam jo ho gayā so ho gayā
ashk-bārī sogvārī āh-o-zārī iztirāb
bhuul jā ab saare ġham jo ho gayā so ho gayā
aisī thī vo vaisī thī allāh jaane kaisī thī
bas bhī kar ab ai sanam jo ho gayā so ho gayā
Thahrnā ai ibn-e-ādam tujh pe nā-zebā hai ab
baḌhtā jā har ik qadam jo ho gayā so ho gayā
bhuul jā tārīḳheñ saarī ab purānī ai 'suhail'
kar na.e qisse raqam jo ho gayā so ho gayā
kyon hai teri aankh nam jo ho gaya so ho gaya
yun na kar KHud par sitam jo ho gaya so ho gaya
ashk-bari sogwari aah-o-zari iztirab
bhul ja ab sare gham jo ho gaya so ho gaya
aisi thi wo waisi thi allah jaane kaisi thi
bas bhi kar ab ai sanam jo ho gaya so ho gaya
Thahrna ai ibn-e-adam tujh pe na-zeba hai ab
baDhta ja har ek qadam jo ho gaya so ho gaya
bhul ja tariKHen sari ab purani ai 'suhail'
kar nae qisse raqam jo ho gaya so ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
