kyon ho KHamosh majra kya hai
kyoñ ho ḳhāmosh mājrā kyā hai
kuchh batāo tumheñ huā kyā hai
zaḳhm haiñ daaġh aur rusvā.ī
terī chāhat kā aur sila kyā hai
ham to naqsh-e-qadam pe chalte haiñ
kyā ḳhabar hai bhalā burā kyā hai
ashk bahte hue to dekhe haiñ
TuuTe dil kī sunī sadā kyā hai
kaisī halchal hai ab bahāroñ meñ
tere dīvānoñ ko huā kyā hai
dil kī bātoñ meñ aa gayā 'nāzī'
aur bechāre kī ḳhatā kyā hai
kyon ho KHamosh majra kya hai
kuchh batao tumhein hua kya hai
zaKHm hain dagh aur ruswai
teri chahat ka aur sila kya hai
hum to naqsh-e-qadam pe chalte hain
kya KHabar hai bhala bura kya hai
ashk bahte hue to dekhe hain
TuTe dil ki suni sada kya hai
kaisi halchal hai ab bahaaron mein
tere diwanon ko hua kya hai
dil ki baaton mein aa gaya 'nazi'
aur bechaare ki KHata kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
