kyon husn-e-tabassum ki takmil nahin hoti
kyon husn-e-tabassum ki takmil nahin hoti
Abdullla Khan Manzar Talbi
MORE BYAbdullla Khan Manzar Talbi
kyoñ husn-e-tabassum kī takmīl nahīñ hotī
har sūrat-e-gul un key tamsīl nahīñ hotī
karne ko ujālā to kar detī hai gir paḌ kar
har barq sar-e-manzil qindīl nahīñ hotī
gul bante hue shāyad dekhā nahīñ kaliyoñ ko
kyā chiiz javānī meñ tabdīl nahīñ hotī
hotā na agar dāman ye chaak junūñ meñ bhī
rusvā.ī nahīñ hotī tazlīl nahīñ hotī
āñkheñ hī samajhtī haiñ āñkhoñ key zabāñ 'manzar'
afsāna-e-mub.ham kī tafsīl nahīñ hotī
kyon husn-e-tabassum ki takmil nahin hoti
har surat-e-gul un key tamsil nahin hoti
karne ko ujala to kar deti hai gir paD kar
har barq sar-e-manzil qindil nahin hoti
gul bante hue shayad dekha nahin kaliyon ko
kya chiz jawani mein tabdil nahin hoti
hota na agar daman ye chaak junun mein bhi
ruswai nahin hoti tazlil nahin hoti
aankhen hi samajhti hain aankhon key zaban 'manzar'
afsana-e-mubham ki tafsil nahin hoti
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
