kyon KHayalon mein yar aata hai

kyoñ ḳhayāloñ meñ yaar aatā hai

dil-e-betāb ruk sā jaatā hai

chashm-e-giryāñ se chashm-e-yār talak

taar ashkoñ kā ban sā jaatā hai

kyā ujāloñ se fā.eda us ko

jo añdheroñ se faiz paatā hai

guftugū us se kī to thī maiñ ne

harf-e-matlab zabāñ pe aatā hai

vo hī pā.egā manziloñ kā surāġh

gard rāhoñ meñ jo uḌātā hai

dil taḌaptā hai jab bhī shā.ir kā

rang-e-mahfil tarang paatā hai

kis se kahtā hai mudda.ā apnā

kis ko ġham apnā tū sunātā hai

kyon KHayalon mein yar aata hai

dil-e-betab ruk sa jata hai

chashm-e-giryan se chashm-e-yar talak

tar ashkon ka ban sa jata hai

kya ujalon se faeda us ko

jo andheron se faiz pata hai

guftugu us se ki to thi main ne

harf-e-matlab zaban pe aata hai

wo hi paega manzilon ka suragh

gard rahon mein jo uData hai

dil taDapta hai jab bhi shair ka

rang-e-mahfil tarang pata hai

kis se kahta hai muddaa apna

kis ko gham apna tu sunata hai