کیوں مرے ساتھ ہی اکثر یہ ہوا کرتا ہے

کیوں مرے ساتھ ہی اکثر یہ ہوا کرتا ہے

میں جسے چاہوں اسے وقت جدا کرتا ہے

مر بھی جاتا ہے تو دیتا ہے جہاں کو ریشم

جال اطراف وہ اپنے ہی بنا کرتا ہے

اس کی آنکھوں سے برستی ہے سدا ہی ریشم

کس کی یادوں میں شب و روز گھلا کرتا ہے

ختم ہوتی ہیں وہاں اپنی نگاہوں کی حدیں

کہیں سورج بھی پہاڑی میں ڈھلا کرتا ہے

آ ہی جاتے ہیں وداعی پہ دلہن کی آنسو

کس کے روکے سے یہ سیلاب رکا کرتا ہے

ورنہ موجیں لب ساحل بھی ڈبوتیں ساحل

مرے جینے کی کوئی ہے جو دعا کرتا ہے