کیوں مزاج زندگی مغموم سا ہونے لگا
کیوں مزاج زندگی مغموم سا ہونے لگا
ذوق لطف و سر خوشی معدوم سا ہونے لگا
اب جو وہ رہنے لگا ہے وقف صد وارفتگی
سانحہ کوئی نیا معلوم سا ہونے لگا
زندگی بے جان سی جب سے نظر آنے لگی
اپنا عالم نقطۂ موہوم سا ہونے لگا
جو بہ فیض آگہی ابھرا ہے دل کے ساز پر
وہ تخیل خود بخود منظوم سا ہونے لگا
کل تھی عالم کی فضا عمدہ لطیف و خوشگوار
آج ماحول جہاں مسموم سا ہونے لگا
ہم نشیں ان کے تصور کی فسوں کاری نہ پوچھ
دل پر اک شوق حسیں مرقوم سا ہونے لگا
زندگی میں دو دلوں کا ربط باہم کیا ہوا
تذکرہ کچھ لازم و ملزوم سا ہونے لگا
زندگی انعامؔ دل کی تھی بہ فیض انبساط
غم سے اب وہ مردہ و مرحوم سا ہونے لگا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
