kyon mizaj-e-zindagi maghmum sa hone laga

kyoñ mizāj-e-zindagī maġhmūm sā hone lagā

zauq-e-lutf-o-sarḳhushī mā'dūm sā hone lagā

ab jo vo rahne lagā hai vaqf-e-sad-vāraftagī

sāniha koī nayā mā'lūm sā hone lagā

zindagī be-jān sī jab se nazar aane lagī

apnā 'ālam nuqta-e-mauhūm sā hone lagā

jo ba-faiz-e-āgahī ubhrā hai dil ke saaz par

vo taḳhayyul ḳhud-baḳhud manzūm sā hone lagā

kal thī 'ālam kī fazā 'umda latīf-o-ḳhush-gavār

aaj māhaul-e-jahāñ masmūm sā hone lagā

ham-nashīñ un ke tasavvur kī fusūñ-kārī na pūchh

dil par ik shauq-e-hasīñ marqūm sā hone lagā

zindagī meñ do diloñ kā rabt-e-bāham kyā huā

tazkira kuchh lāzim-o-malzūm sā hone lagā

zindagī 'in'ām' dil kī thī ba-faiz-e-imbisāt

ġham se ab vo murda-o-marhūm sā hone lagā

kyon mizaj-e-zindagi maghmum sa hone laga

zauq-e-lutf-o-sarKHushi ma'dum sa hone laga

ab jo wo rahne laga hai waqf-e-sad-waraftagi

saniha koi naya ma'lum sa hone laga

zindagi be-jaan si jab se nazar aane lagi

apna 'alam nuqta-e-mauhum sa hone laga

jo ba-faiz-e-agahi ubhra hai dil ke saz par

wo taKHayyul KHud-baKHud manzum sa hone laga

kal thi 'alam ki faza 'umda latif-o-KHush-gawar

aaj mahaul-e-jahan masmum sa hone laga

ham-nashin un ke tasawwur ki fusun-kari na puchh

dil par ek shauq-e-hasin marqum sa hone laga

zindagi mein do dilon ka rabt-e-baham kya hua

tazkira kuchh lazim-o-malzum sa hone laga

zindagi 'in'am' dil ki thi ba-faiz-e-imbisat

gham se ab wo murda-o-marhum sa hone laga