kyon na ab uske ru-ba-ru roen

kyoñ na ab us ke rū-ba-rū ro.eñ

ab ke aañsū nahīñ lahū ro.eñ

maiñ ziyāda na aap kam rovo

paas aao ki hū-ba-hū ro.eñ

kaun hai kis ko farq paḌtā hai

ghar meñ ro.eñ ki kū-ba-kū ro.eñ

ḳhushk āñkhoñ kā ronā bhī kyā hai

āñsuoñ se kareñ vuzū ro.eñ

vaqt-e-ruḳhsat hai so ḳhudā ke liye

rakh leñ āñkhoñ kī aabrū ro.eñ

haa.e chhin jā.egā hamārā dard

zaḳhm hone lage rafū ro.eñ

haañ abhī ashk dard dete haiñ

dhīre dhīre banegī ḳhū ro.eñ

ai 'ziyā' tere zaḳhm kī lazzat

dost to dost haiñ adū ro.eñ

kyon na ab us ke ru-ba-ru roen

ab ke aansu nahin lahu roen

main ziyaada na aap kam rowo

pas aao ki hu-ba-hu roen

kaun hai kis ko farq paDta hai

ghar mein roen ki ku-ba-ku roen

KHushk aankhon ka rona bhi kya hai

aansuon se karen wuzu roen

waqt-e-ruKHsat hai so KHuda ke liye

rakh len aankhon ki aabru roen

hae chhin jaega hamara dard

zaKHm hone lage rafu roen

han abhi ashk dard dete hain

dhire dhire banegi KHu roen

ai 'ziya' tere zaKHm ki lazzat

dost to dost hain adu roen