کیوں نہ سوچا مبتلا ہوتے ہوئے

کیوں نہ سوچا مبتلا ہوتے ہوئے

رو رہے ہیں اب جدا ہوتے ہوئے

اب ترا رستہ جدا میرا جدا

دیکھ قسمت کا لکھا ہوتے ہوئے

میں سمجھتا ہوں تمہی کو زندگی

سوچ لینا بے وفا ہوتے ہوئے

کیوں نہ روتا اس کا چہرہ دیکھ کر

رنگ کو دیکھا ہوا ہوتے ہوئے

الوداعی شام آ پہنچی یہاں

چپ ہے تو میرا خدا ہوتے ہوئے

وہ مرا کیفے پہ اس کا انتظار

خواب سا تھا رت جگا ہوتے ہوئے

کہتے تھے اک دوسرے کو زندگی

شرم آتی ہے جدا ہوتے ہوئے

وہ تو انجمؔ خواب تھا بس خواب تھا

کب ترا تھا وہ ترا ہوتے ہوئے