kyon teri mohabbat mein dard sah raha hun main

kyoñ tirī mohabbat meñ dard sah rahā huuñ maiñ

gar tirī adālat meñ be-gunah rahā huuñ maiñ

ai ḳhudā hifāzat hai us kī ab tire zimme

ik tire bharose hī duur rah rahā huuñ maiñ

terā ho nahīñ saktā maiñ kisī bhī taur ab to

par tujhe pata hai nā jhuuT keh rahā huuñ maiñ

sūrat-e-nadī kī ab mujh ko kyā zarūrat hai

sīrat-e-nadī meñ jab yaar bah rahā huuñ maiñ

ilm giit ġhazloñ kā mujh ko hai nahīñ ‘shekhar’

hāsil-e-mohabbat hai jo bhī kah rahā huuñ maiñ

kyon teri mohabbat mein dard sah raha hun main

gar teri adalat mein be-gunah raha hun main

ai KHuda hifazat hai us ki ab tere zimme

ek tere bharose hi dur rah raha hun main

tera ho nahin sakta main kisi bhi taur ab to

par tujhe pata hai na jhuT keh raha hun main

surat-e-nadi ki ab mujh ko kya zarurat hai

sirat-e-nadi mein jab yar bah raha hun main

ilm git ghazlon ka mujh ko hai nahin ‘shekhar’

hasil-e-mohabbat hai jo bhi kah raha hun main