kyun aur zaKHm sine pe khao ho dosto

kyuuñ aur zaḳhm siine pe khaao ho dosto

kaahe kisī se aas lagāo ho dosto

ik aabrū bachī hai so rakhiyo sambhāl ke

kis paas kyā ġharaz liye jaao ho dosto

pahuñche vahīñ haiñ aaj jahāñ se chale the ham

ab raah kaun aur dikhāo ho dosto

is tab.a se to ḳhud hī pareshān hai ye dil

Thes us ko aur kaahe lagāo ho dosto

jaur-o-jafā-e-yār ke ye uzr vaah ḳhuub

ye kaisī baat ham ko batāo ho dosto

muddat huī ki ḳhatm huā us galī meñ sab

ab aur kis ke kūche meñ jaao ho dosto

kyun aur zaKHm sine pe khao ho dosto

kahe kisi se aas lagao ho dosto

ek aabru bachi hai so rakhiyo sambhaal ke

kis pas kya gharaz liye jao ho dosto

pahunche wahin hain aaj jahan se chale the hum

ab rah kaun aur dikhao ho dosto

is taba se to KHud hi pareshan hai ye dil

Thes us ko aur kahe lagao ho dosto

jaur-o-jafa-e-yar ke ye uzr wah KHub

ye kaisi baat hum ko batao ho dosto

muddat hui ki KHatm hua us gali mein sab

ab aur kis ke kuche mein jao ho dosto