kyun chand ko samjhe koi paigham kisi ka
kyuuñ chāñd ko samjhe koī paiġhām kisī kā
sahrā kī kaḌī dhuup bhī hai naam kisī kā
TuuTī huī ik qabr ke katbe pe likhā thā
ye chain kisī kā hai ye ārām kisī kā
ḳhvāboñ ke darīche meñ ho jaise koī chehra
yuuñ dard nikhartā hai sar-e-shām kisī kā
ġhazloñ pe bhī hotā hai kisī shakl kā dhokā
tāroñ ko bhī detā huuñ kabhī naam kisī kā
tārīḳh ke phaile hue safhāt pe jaise
zaḳhmoñ kī numā.ish hai faqat kaam kisī kā
hāthoñ kī lakīreñ haiñ ye vīrān sī rāheñ
sūkhe hue patte haiñ ye anjām kisī kā
'jāmī' jo utar jaa.e añdheroñ ke badan meñ
vo sho.ala-e-taḳhlīq hai in.aam kisī kā
kyun chand ko samjhe koi paigham kisi ka
sahra ki kaDi dhup bhi hai nam kisi ka
TuTi hui ek qabr ke katbe pe likha tha
ye chain kisi ka hai ye aaram kisi ka
KHwabon ke dariche mein ho jaise koi chehra
yun dard nikharta hai sar-e-sham kisi ka
ghazlon pe bhi hota hai kisi shakl ka dhoka
taron ko bhi deta hun kabhi nam kisi ka
tariKH ke phaile hue safhat pe jaise
zaKHmon ki numaish hai faqat kaam kisi ka
hathon ki lakiren hain ye viran si rahen
sukhe hue patte hain ye anjam kisi ka
'jami' jo utar jae andheron ke badan mein
wo shoala-e-taKHliq hai inam kisi ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
