kyun diya tha? bata! meri viraniyon mein sahaara mujhe
kyuuñ diyā thaa? batā! merī vīrāniyoñ meñ sahārā mujhe
maiñ udāsī ke malbe tale dafn thii, kyuuñ nikālā mujhe
aisī nāzuk thī ghar ke parindoñ se bhī ḳhauf khātī thī maiñ
ye kahāñ, kin darindoñ ke jañgal meñ pheñkā hai tanhā mujhe
ḳhvāb TuuTe the aur kirchiyāñ ab bhī āñkhoñ meñ paivast haiñ
ab ye kis muñh se phir ḳhvāb kī anjuman ne pukārā mujhe
aaTh tak to ye gintī bhī āsān thī tū ne paḌh lii, so ab...
calculator pakaḌ aur sunā! apnā nau kā pahāḌā mujhe
yaar thā tū kabhī, terī nazmeñ hamesha salāmat raheñ
daaġh dene ko phir ye ridā chāhiye to batānā mujhe
bas yūñhī dard kā abr sheroñ kī bārish meñ Dhaltā gayā
vārisān-e-suḳhan! koī tamġha nahīñ hai kamānā mujhe
koī aisā tarīqa batā terī āvāz ko chuum luuñ
uff ye terā ''farīha! mirī jān'' kah kar bulānā mujhe
kyun diya tha? bata! meri viraniyon mein sahaara mujhe
main udasi ke malbe tale dafn thi, kyun nikala mujhe
aisi nazuk thi ghar ke parindon se bhi KHauf khati thi main
ye kahan, kin darindon ke jangal mein phenka hai tanha mujhe
KHwab TuTe the aur kirchiyan ab bhi aankhon mein paiwast hain
ab ye kis munh se phir KHwab ki anjuman ne pukara mujhe
aaTh tak to ye ginti bhi aasan thi tu ne paDh li, so ab
calculator pakaD aur suna! apna nau ka pahaDa mujhe
yar tha tu kabhi, teri nazmen hamesha salamat rahen
dagh dene ko phir ye rida chahiye to batana mujhe
bas yunhi dard ka abr sheron ki barish mein Dhalta gaya
warisan-e-suKHan! koi tamgha nahin hai kamana mujhe
koi aisa tariqa bata teri aawaz ko chum lun
uff ye tera fariha! meri jaan kah kar bulana mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
