kyun falak-ashna kiya tha mujhe
kyuuñ falak-āshnā kiyā thā mujhe
jab zamīñ par hī pheñknā thā mujhe
ban gayā maiñ kitāb qissoñ kī
us ne ik lafz meñ kahā thā mujhe
ab nagīna hai kal yahī patthar
rāste meñ paḌā milā thā mujhe
us kā aaseb mujh pe barsegā
hādsa ye bhī jhelnā thā mujhe
maiñ naqīb-e-sabā thā phūloñ ne
pattharoñ kī tarah sunā thā mujhe
maiñ sadā sāhiloñ kī kyā suntā
ruḳh havāoñ kā moḌnā thā mujhe
maiñ bahut kaam kā thā us ke liye
aur zaa.e vo kar rahā thā mujhe
ab vo ḳhud ko talāsh kartā hai
jo kabhī mujh meñ DhūñDhtā thā mujhe
bachcha majbūriyoñ ko kyā jaane
ik khilaunā ḳharīdnā thā mujhe
kyun falak-ashna kiya tha mujhe
jab zamin par hi phenkna tha mujhe
ban gaya main kitab qisson ki
us ne ek lafz mein kaha tha mujhe
ab nagina hai kal yahi patthar
raste mein paDa mila tha mujhe
us ka aaseb mujh pe barsega
hadsa ye bhi jhelna tha mujhe
main naqib-e-saba tha phulon ne
pattharon ki tarah suna tha mujhe
main sada sahilon ki kya sunta
ruKH hawaon ka moDna tha mujhe
main bahut kaam ka tha us ke liye
aur zae wo kar raha tha mujhe
ab wo KHud ko talash karta hai
jo kabhi mujh mein DhunDhta tha mujhe
bachcha majburiyon ko kya jaane
ek khilauna KHaridna tha mujhe
- Book : Sab Khwab (Pg. 23)
- Author : Nusrat Gwaliory
- Publication : Nusrat Gwaliory, Tahzeeb Urdu 5071, Kucha Rahman Pandit, Chandni Chouck, Delhi (1998)
- Edition : 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
