کیوں غلط رہ سے بچایا نہ گیا
کیوں غلط رہ سے بچایا نہ گیا
جانے کیوں موڑ کے لایا نہ گیا
ماننے والا مری باتوں کو
جانے کیوں مجھ سے منایا نہ گیا
سر پھری تیز ہوا کے ہوتے
دیپ الفت کا بجھایا نہ گیا
روح پر ثبت ہوا وہ ایسا
پھر کبھی مجھ سے مٹایا نہ گیا
کٹ گیا پیڑ تو آنگن کا مگر
میرے سر سے کبھی سایہ نہ گیا
جب بھی جاذبؔ وہ ہوا ہم آواز
گیت مجھ سے کوئی گایا نہ گیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
